ايلك دفعه اورهان پاموك’ون آدينی سؤزوموز‘ده گؤردوم. ايندی ياديما گلمه‌يير، ائله بيل بير اؤدول ﴿جايزه﴾ قازانميشدی آوروپاليلاردان. هله نوبل آلماغينا چوخ قاليردی.
اورخان پامبيق’دان بونلاری بيليرديم:
-ائرمنيلردن و كوردلردن و گئنه‌لليكله آزينليقلاردان چوخ ائتگی اولدو اونون اوزرينده اؤز دئدی‌يينه گؤره،
-بير دفعه ايرانا گلدی و يارپاقدا دا بير مصاحبه‌سی چاپ اولدو،
-او مصاحبه‌نين آنجاق ياريسی چاپ اولموشدو،
-اؤزه‌ل ايلگيسی وار پامبيق’ين ائرمنيلره و كوردلره،
-سونرا نوبل قازاندی،
-توركييه‌ده چوخلولاری بو نوبلی پامبيق’ين گوجلو يازار اولدوغونا گؤره وئريلدی‌يينی اينانماييرلار هر حالدا.
من ده هركس كيمی، داها دوغرو دئسه‌م هر تورك كيمی، اورهان پاموك’ون ﴿توركجه‌ده اورخان پامبيق﴾ نوبل آلديغيندان ﴿يا بيله‌سينه وئريلدی‌ييندن!﴾ سئوينديم. هر نه اولماسا او بير توركدور، و توركلره ده آد قازانيبدير دونيادا. نه ايسه، توركچه وئبلاقلارين بيرينده “اورخان پامبيق’ين رومانلاری و رومانچيليغی” آدلی بير كتاب گؤردوم. وئبلاقدا كتابين بيليمسل و هر ادبيات ماراقليسينين خوشلانديغی طرزده يازيلديغی يازيليب.
بو تورك يازار حاقدا آرتيق بيلگيلر الده ائتمك ايسته‌ينلر كتابی پی‌دی‌اف فورمتينده بورايا تيخلاياراق ائنديره‌بيلرلر.
Saturday, January 20, 2007
اورهان پاموکون رومانلاری و رومانچیلیغی
Subscribe to:
Post Comments (Atom)
0 Yorum:
Post a Comment