» فيدرئيدر: تزه‌ليكده و مرت اولاش'ين "بلوق‌يازارلاری" توپلولوق شبكه‌سی طريقی‌يله، ايندی‌يه‌دك گؤردوگوم و گزديگيم ان گؤزل "فيد" اوخويوجو سيته‌سی‌يله (گوگل ريدئر'ی فاكتور توتاندان سونرا!) تانيش اولدوم. توم فيد اوخويوجو سيته‌لر كيمی بو سيته‌ده اويه اولدوقدان سونرا، سيزين اوچون بير اؤزل صحيفه وئريلير و سيز اؤز فيد آدرسلرينيزی اورادا ايمپورت ائتديكدن سونرا سيزين اوخودوغونوز وئبلاقلار و سيته‌لرين باشليقلاری بير صحبفه‌ده توپلانير. ماراقلی‌سی بودور كی، سيته‌نين اؤزل وئبلاقیندا يازيلديغينا گؤره توركلر بو سيته‌نی قاسيرغالاندیرميشلار! اونوتمامیشدان، بو منیم قیریق صحیفه‌م، بو دا تورک بلوق‌یازارلار صحیفه‌سی.
» تورك‌دونياسی، سئيدحئيدر بيات'ي وئبلاق آليشقانی آدلانديرميشلار. بونا قاتیلیرکن ايسته‌رديم بونو دئيه‌م: حئيدر بيات بی ياواش-ياواش تورك وئبلاقچيليق اولگوسو اولماقلا برابر يازيلاری ياپی باخيميندان "توركجه وئبلاق ايچه‌ريگی" نمونه‌سين اولوشدورور. بیر کلمه‌ده، آلمایولو وئبلاقی‌نین یازی‌لاری "تورکجه وئبلاق یازی‌سی نه‌جور اولار؟" سوروسونا ان یاخشی شکیلده جاواب وئریر. (سؤزوموز البتته، وئبلاقدان آرتيق بلوق-سيته بير صحيفه اولوشدورماقدا منجه.)
Wednesday, April 4, 2007
قیسا قیسا
Tuesday, April 3, 2007
دانیشما دیلی (2)
خاپانماق (xapanmaq): ياديما گلمير نه زامان، فقط بيليرم بونو ائشيده‌نده هله توركجه ساواديم صيفير دئييله‌بيله‌جك قدر آزيدی. قوهولارين بيری، بير شنليك تؤره‌نينه گلمه‌ميشدی؛ بير جانی ساغ اولموش دئدی،"او كی خاپانيب ائوه!". بوتون توپلانتيلاردان قاچان و ائشيگه چوخ آز چيخان بيرسيدير دئمك ايسته‌ييردی، او.
"قاپانماق" اولمالی‌دير سانيرام؛ "قاپی"، "قاپاق" و ... همين كؤكدن يازی ديلی كيمی تلفظ اولونور. آسليندا توركجه‌ده "ق" و "خ" سسلری بير سس‌ايميشلر و سونرالار كلمه‌نين باشيندا، اورتاسيندا و سونوندا بولونماسينا و باشقا ندنلره گؤره بيزيم توركجه‌ده ايكی سسه دؤنموشدور(یانیلماسام!)؛ و بو کؤکدن يالنيز بو كلمه‌ده "خ" سسی يعنی "خاپانماق" قالميشدير.
ديشت (dişt): كؤكونو بيلميرم، آمما ائشيده‌نده "درست" سؤزو ياديما دوشور. ايندی "ديشت دور" و "ديشت اوتور" تركيبلرينده ايشله‌نيلير. (مئهران باهاری بی اؤز یوروملاریندا بو سؤزون اصلینی "دینج" بیلیرلر.)
مئره‌ت (merət): بونون كؤكونو بير توركجه ساوادی اولمايان كيشيدن سوردوم. عربجه "ميراث" كلمه‌سی‌يله ايلگی‌لی اولدوغونو سؤيله‌دی. آتماجا كيمی بير آنلامی وار. بير ده، توركييه‌ده ده قوللانيلير.
اؤرنك: "بو مئره‌ت وئبلاق نه‌دير كی هامی آليشقانی اولوب؟!"
سایین مئهران باهاری (۱ و ۲) و آیدن ک بیلرین یوروملاری یازی‌دان مکمل ایضاح‌لاری وار، تشککورلر و ساغ اولون. و اوخومانیزی توصیه ائدیرم.
ايلگی‌لی يازيلار: دانيشما ديلی (۱)
Saturday, March 31, 2007
دانیشما دیلی (1)
باشلانغيج اولاراق من بعضی اولاغان ديشی و كؤك‌بيليم آچيسيندان عجيب اولان بير نئچه سؤزو يازاجاغام:
-هه‌لده‌ره‌م- په‌لده‌ره‌م (həldərəm-pəldərəm): فارسجا چرت و پرت و مزخرف سؤزلر آنلاميندا. ظاهرا ائله ائله‌رم، بئله ائله‌رم سؤزويله ايليشگی‌سی وار.
اؤرنك: "هه‌لده‌ره‌م- په‌لده‌ره‌م دانيشما، سؤزووو دئ."
"او، هه‌لده‌ره‌م- په‌لده‌ره‌م دانيشيردی، هئچ كس آنلامادی نه دئدی."
-ال‌به‌هه (əlbəhə): فورَن و درحال آنلاميندادير.
اؤرنك: "-بونلاری دوزه‌لتمك سنين ايشين دئييل! -منيم ايشيم دئييل؟! ال‌به‌هه دوزه‌لده‌ره‌م."
Tuesday, March 27, 2007
داغِ داغ!
برنامه: صندلی داغ
مهمان: جواد خيابانی
تاريخ: يكشنبه 5 فروردين 86
.
-مجری: كجا به دنيا اومدی؟
-مهمان: تو كرج به دنيا اومدم. يه آذری در كرج متولد شده.
-مجری:هااا... همينو می خواستم. يادمه يه چند كلمه ای می دونستی!
-خيابانی: مگه ميشه خيابانی ترك نباشه.
(مجری حالتی می گيرد مثل: جيزه! و خيابانی متوجه می شود)
-مهمان: ترك كه نه آذری. ما اهل تركيه نيستيم.
-مجری: و زبان شما هم آذری است و ...
(تصاويری از يك بوستان يا همچين چيزی و چند گوسفند و يك موسيقی تكراری تركی پخش می شود)
....
برنامه: صندلی داغ
مهمان: سولماز اصغری گوينده اخبار
تاريخ: يادم نيست! يكی از روزهای سال 85
.
-مجری: اسم كوچكتون چی بود؟
-مهمان: سولماز
-مجری: چرا سولماز؟ يعنی چی؟
-مهمان: چون پدر و مادر من ترك بودند.
-مجری: (باز هم جيزه!) آذری بودند!
-مهمان: بله. آذری.
-مجری: ترك چيه خانم. اين اشتباها از شما بعيده!
(باز همان موسيقی و تصاوير تكراری گوسفندها و گلها)
....
برنامه:صندلی داغ
مهمان:پرويز پرستويی
تاريخ: ؟
.
-مجری: اهل كجايی؟
-مهمان:روستايی به نام چارلی در شهر كبودرآهنگ.
-مجری: (نيش مجری كه هميشه باز است بازتر شده و صدای خنده اش كه به خش خش برگهای خزانی مانَد بلند می شود و با شنيدن چارلی ظاهرا ياد چارلی چاپلين می افتد) آقا ما نمی دونيم... اهل چارلی كه هستين! ...
-مجری: لری؟
-مهمان: نه من لر نيستم.
-مجری: لر نيستی؟!
-مهمان: نه من لر نيستم.
-مجری: آها...
-مهمان: من تركم.
-مجری: (مجری حيران است!) تركی!!
-مهمان: من ترك همدانم.
(موسيقی و تصاوير تكراری گوسفندها و گلها)
...
Monday, March 26, 2007
حسرتیمیز توکندی!
بو پروقرام سون درجه ال‌وئريشلی و راحاتجاسينا قوللانابيلر بير پروقرامدير. بونو دا آرتيرمالييام كی تورك مهندسلر توركجه‌نين ماتئماتكسل ياپی‌سينا و اوندا ايستيثنالارين چوخ آز اولدوغونا گؤره آناديليمزدن تشككور ائتمه‌ليديرلر!
ديلمانجيين سون وئرسيونونو ائنديرمك ايسته‌رسه‌نيز بورادان.
Thursday, March 15, 2007
تورکولردن(2) / نه آغلارسین بنیم زولف-و سیاهیم
نه آغلارسين بنيم زولف-و سـياهيم
بو دا گلــــير بو دا گئچــــر آغـــلامـــا
گؤكـلـرده اريـشـدی آه وفـيـغـانيــم
بو دا گلــــير بو دا گئچــــر آغـــلامـــا
بير گولون چئوره‌سی ديكندير، خاردير
بولبول خـــار الينـــدن آه ايله زارديـــر
نه اولسا دا قيشـين سونو باهـارديـر
بو دا گلــــير بو دا گئچــــر آغـــلامـــا
دائـمی‌يـم هـر جان اه‌رمـز بو سيـررا
گـرچـك كـاميـل اولان يـئـتـر بـو نــورا
يوسـوف صـبير ايـلـه گتدی مـيصـيرا
بو دا گلــــير بو دا گئچــــر آغـــلامـــا
بو توركو توركييه‌نين ترجان یؤره‌سيندن قايناقلانير. بلكه اوچونجو قطعه‌ده "گرچك عاشيق اولان اه‌ره‌ر بو نورا" داها دوغرو اولار، بيلمیرم؟* سیته‌لرده سئزن آكسو بو ماهنی‌نی اوخوموش اولدوغونو گؤردوم آمما تاپانماديم اونو . كيمده وارسا بو ماهنی لوطفن و يوكله‌سين بير سيته‌يه، اورادان اينديرسين ايسته‌يه‌نلر.
نوت: سئزن آکسونون ماهنیسین بوردان ائندیره بیلرسینیز.
ایکی قوتلو انتحار!
گؤزلريميز آيدين. قوزئی آزربايجانليلار ايكی انتحاری حركتده، ايكی يئنی تورك وئبلاق سئرويسی آچيبلار. بو قوتلو و مبارك حادثه‌لری بوتون تورك‌ديلليلره قوتلايير، و "بوتون توركلر بلوق حاققیندا دانيشاجاق" گونون ياخين گله‌جكده يئتيشمه‌سينی آرزيلاييرام.
+آزری‌بلوق: سيته‌ده يازيلديغی كيمی بو سئرويسی ايرانلی بير شركت اولاراق پارسی‌باكس تاسارلاميشدير. بو سيته‌نين مودورو "حبيب عبدالله‌يئو"دير و من بو يازينی يازاناجان تكجه مودورون وئبلاقی واردی، سيته‌ده!
+بلوق‌آز: بو سئرويس آزری‌بلوقدان اسكی‌دير ائله‌بيل. سيته‌نين "حاققيندا" صحيفه‌سينده يازيلديغی بير مطلبه گؤره، بو سئرويس اؤزلليكله سؤز و دوشونجه اؤزگورلوگو ايسته‌ين گنج ژورناليستلر اوچون حاضيرلانميشدير. بو سئرويسده بيزيم دگرلی بير وئبلاق‌يازاريميزن بلوقو دا يئرله‌شمكده: تور‌ك‌بايجان. سانيرام ان پروفشنال وئبلاق دا بيزيم تورك‌بايجانيميزدير!
اومارام، بو وئبلاق‌سئرويسلرين آچيلماسی‌يلا توركجه ايچه‌ريك وئب اوزه‌رينده بوندان آرتیق گليشه‌ر!
