نه آغلارسين بنيم زولف-و سـياهيم
بو دا گلــــير بو دا گئچــــر آغـــلامـــا
گؤكـلـرده اريـشـدی آه وفـيـغـانيــم
بو دا گلــــير بو دا گئچــــر آغـــلامـــا
بير گولون چئوره‌سی ديكندير، خاردير
بولبول خـــار الينـــدن آه ايله زارديـــر
نه اولسا دا قيشـين سونو باهـارديـر
بو دا گلــــير بو دا گئچــــر آغـــلامـــا
دائـمی‌يـم هـر جان اه‌رمـز بو سيـررا
گـرچـك كـاميـل اولان يـئـتـر بـو نــورا
يوسـوف صـبير ايـلـه گتدی مـيصـيرا
بو دا گلــــير بو دا گئچــــر آغـــلامـــا
بو توركو توركييه‌نين ترجان یؤره‌سيندن قايناقلانير. بلكه اوچونجو قطعه‌ده "گرچك عاشيق اولان اه‌ره‌ر بو نورا" داها دوغرو اولار، بيلمیرم؟* سیته‌لرده سئزن آكسو بو ماهنی‌نی اوخوموش اولدوغونو گؤردوم آمما تاپانماديم اونو . كيمده وارسا بو ماهنی لوطفن و يوكله‌سين بير سيته‌يه، اورادان اينديرسين ايسته‌يه‌نلر.
نوت: سئزن آکسونون ماهنیسین بوردان ائندیره بیلرسینیز.
Thursday, March 15, 2007
تورکولردن(2) / نه آغلارسین بنیم زولف-و سیاهیم
Friday, March 9, 2007
نئچه سطر سامی یوسوف حاققیندا
ايندييه دك حتمن سامی يوسفين آدين ائشيتميشسينيزدير. سامی يوسوف'دان بير نئچه بيلمه‌ديگينيز نوكته‌نی يازاجاغام بو پوستدا.
Wiki نه دئيير؟
او ۱۹۸۰ دا ايراندا دونيايا گليب و سونرا آذری آسيللی عائيله‌سی‌يله بيرليكده بريتانيايا كؤچموشدور. باباسی اونلو بير موزيك آداميدير و سامی يوسوف'ون ايلك اؤيرتمنيدير. ۱۸ ياشيندا ايكن The royal academy of music in london'دان بورسلو موزيك اوخوما حاققی قازانميشدير. بير چوخ موزيك آلتينی بؤيوك باشار ايله اجرا ائتمكده‌دير.
بير ايلدير ده ميصير الازهر يونويورسيته‌سينده عربجه اؤيرنمك اوزره ميصيردا ياشاماغا باشلاميشدير. ماهنی‌لاريندا آللاه عشقی، محمد پيغمبر ﴿ص﴾ سئوداسی و اونون اؤرنك ياشامی، تئرور، ساواش و باش‌اؤرتوسو كيمی مفهوملار ايشله‌تمكده‌دير. ايلك آلبومو المعلم، چيخديغی جولای ۲۰۰۴ ايلينده بؤيوك باشاری قازانميشدير.[+]
سامی يوسوف'دان بيلمه‌دگينيز بير نئچه نوكته
-سامی يوسوف اؤزونو هپ تورك دگيل، آذری تانيتديرير. ﴿يازيقلار كی ميللی شعورو يوخدور ;﴾ ﴾
-سامی يوسوف'ون باباسينی تانييير می‌سينيز؟ بابك رادمنش، بير چوخ لوس‌آنجلئس'لی-ايرانلی اوخويوجونون موزيكلرينی دوزه‌لدن، اينقيلاب اوولرينده اونلو "خلبانلار" ماهنی‌سينين موزيك‌دوزه‌لدنی اونون باباسی‌دير.
-اونون ايكی دده‌سی ﴿بؤيوك‌باباسي﴾ ده باكی'ليدير.
-توركجه‌‌سی چوخ ياخشی اولماسادا، گونلوك احتياجلارينی يئرينه يئتيرمك اوچون يئترينجه اونو باجارير.
-بير امارات كانالينا ﴿Mazzika tv﴾ اينگليزجه وئرديگی رئپورتاژدا بوتون موسلمانلارين عربجه دانيشماسی گركديگينی، عربجه‌نين بوتون موسلمانلاری باغلايان، آوروپا كولتوروندن قورويان تك شئی اولدوغونو وورغولاميشدير!
شووينيستلر نه دئيير؟
شووينستلر سامی يوسوف'ون فارسجا اوخوماماسيندان جيزيلداماغا دوشوبلر. اونلار دئييرلر سامی ايرانليديرسا ندن هله بير فارسجا ماهنی‌سی يوخدور! بير يئرده اوخودوم: فرقی نمی‌كند سامی يوسف ايرانی ، عرب يا ترك باشد مهم... . دوغرودان چوخ تاسف يئری وار!
سوندا سامی يوسوف'ون "آيريليق" ماهنی‌سينا دينله‌مه‌گينيزی توصيه ائديرم. ﴿ائندير ۱۰.۳Mb﴾
[سامی يوسوف رسمی سيته‌سی]
[سامی يوسف كليپلرينی ايزله‌مه سيته‌سی ]
[سامی يوسوف ويكی توركچه‌ده]
Thursday, January 18, 2007
ان گؤزل تورکچه تورکو
داما ووردوم بير تپيك
دامين ديره‌يی كپيك ﴿؟﴾
قيز بن سنی آليريم لئی
قورخاريم چوبان اؤپوك
هله مريم مريم مريم
گله مريم مريم مريم
اللر خينالی مريم دیء
گؤزلر سورمه‌لی مريم
دامين اوستو پيتيراق ﴿چتر﴾
گلين قيزلار اوتوراق
اوتورماقدان نه چيخار دا
گلين اولاق قورتولاق
هله مريم مريم مريم
گله مريم مريم مريم
اللر خينالی مريم دیء
گؤزلر سورمه‌لی مريم*
بو گونلر آنجاق يوخاريدا متنينی گتيردييم ماهنی‌نی دينله‌رم. چوخ گؤزل بير شئيدير، دئييل می؟ يازيقلار كی اينترنتده ساده‌جه متنی تاپابيلديم و منيمكی ده اسكی كاسئتده‌دير! بورايا قويابيلسه‌يديم چوخ خوش اولاردی…نه‌يلر!
نه‌يسه بو بير بهانه‌يدی، ”توركو”لر حاقدا اينترنتده آختارام. هميشه‌كی كيمی يئنه سئوگيلی “ويكی‌پئديا“دان ده‌يرلی بيلگيلر تاپديق. بونلاری بير نئچه‌سينی سيزله پايلاشماق ايسته‌ديم:
“بير اه‌زگی ﴿آهنگ﴾ ايله سؤيله‌نه‌ن خالق شعرينين هر چشيدينی گؤسترمك اوچون توركييه‌نين سؤزلو گله‌نه‌يينده ان چوخ قوللانيلان آد ”توركو”دور.اؤزه‌ل دوروملاردا يا دا اه‌زگينين، سؤزلرين چئشيدله‌مه‌سينه گؤره نيننی، آغيت، دئييش، هاوا آدلاری دا قوللانيلماقدادير.
تورك خالق ادبياتی نظملی شكلی و نوعودور. اه‌زگيسی یؤنويله ديگر خالق شعری تورلريندن آيريلار. توركولر گئنه‌لليكله آنونيم‌دير ﴿آدسيزدير﴾. ايسيملری بيلينه‌ن ساز شاعيرلرينين سؤيلديكلری ده گئده‌رك خالقا مال اولموش و بونلار دا آنونيمله‌شمه اه‌ييليمينه ﴿تمايل‌ونا﴾ گيرميشدير. توركو سؤيله‌مه‌يه “توركو ياخماق” دا دئيلير. توركو آدی “تورك” سؤزجويونه عربجه “ی” اكی اكله‌نمه‌سی‌يله اورتايا چيخيبدير. “توركه اؤزگو” آنلامينا گلر.
توركو سؤزجويو ايلك كئز ﴿دفعه﴾ XV. يوزايلده دوغو توركلرينجه قوللانيلميشدير. حيكمت ديزداراوغلو، آنادولودا توركونون ايلك اؤرنه‌يينی ”اؤكسوز دده”نين وئردی‌يينی بليرتير. توركولر گئنه‌لليكله هئجا وزنی‌نين 7، 8 و 11لی قاليبلاری‌يلا قطعه‌لر حاليندا سؤيله‌نه‌ر. هر قطعه توركونون آسيل سؤزلری‌نين بولوندوغو بند ايله نقارتدن مئيدانا گلر. نقارت ﴿دوغرو مو يازديم بيلمم؟!﴾ هر بندين سونوندا تكرارلانار. بو قسم باغلاما و يا ”قاووشداق” دئيه ده بيلينه‌ر. توركولری كَسين آيريما سوخماق، گوجدور. بير یؤره‌ده ﴿محلده﴾ ياخيلان توركو ديگر بير یؤره‌يه شكلی و سؤيله‌نيش بيچيمی ده‌ييشه‌رك كئچه‌بيلر. توركولر اه‌زگيلرينه، قونولارينا و ياپيلارينا گؤره آيريلار.
1.اه‌زگی لرينه گؤره توركولر
-اصول‌سوزلار: اوزون هاوالاردير. ديوان، قوشما، هويرات كيمی چئشيدلره آيريلار.
-اصول‌لولار: اويون هاولاردير. بو جوره قونيه‌ده اوتوراق، اورفادا قيريق دئييلر.
2. قونولارينا گؤره توركولر
-نيننی‌لر و اوشاق توركولری، طبيعت اوزرينه توركولر، عشق توركولری، قهرمانليق توركولری، عسگرليك توركولری، تؤره‌ن توركولری، ايش توركولری، اشكييا ﴿؟!﴾ توركولری، آجيقلی اولايلارلا ايلگيلی توركولر، گولدوروجو توركولر، قارشيليقلی سؤيله‌نه‌ن توركولر، اويون توركولری، آغيتلار.
3.ياپی لارينا گؤره توركولر
-مانع قطعه لريندن قورولو توركولر: بيربيرلری‌يله ايلگيلی قونولاردا سؤيله‌نميش مانعلرين سيرالاناراق اه‌زگی‌يله اوخونماسيندان مئيدنا گلر.
-دؤردلوكلرله قورولو توركولر.”
آنايوردوموز آزربايجاندا دا عاشيقلارين سؤيله‌ديكلری باياتيلاری حاقدا علمی آراشديرمالار آپاريليب می، يوخسا قوزئيده هر نه قونودا آغير يوخودا اولدوقلاری كيمی هله بير ايش گؤرولمه ييب می بيلميرم. گونئيده ده گونوموزو بيلمه‌ينيميز يوخدور! آنجاق يوخاريداكی متندن عاشيقلار و باياتيلار باره‌سينده تخصصوم اولمايان بيريسی اولاراق، ديوان، قوشما، قارشيليقلی سؤيله‌نه‌ن توركولر ﴿دئييشمه﴾ تانيش گلير منيم اوچون.
Thursday, August 3, 2006
افغانیستان تورکلری
نه ايسه بو سيته‌نين بير موسيقی بؤلوموده وار. بو بؤلومده سيز اؤزبك و توركمن و تورك ماهنيلارينی دينله‌يه بيلرسينيز. اؤزبك توركجه‌سينی گؤرمك قصدينده‌سه‌نيز بو كيتابی اوخويون.
