پروفئسور براهنی بير تبريز توركو اولسا دا دونيادا اونو يئنی فارسجا ادبياتلا تانييارلار. دئمك رضا براهنی فارس ديلينين مدرن تيپينه گيريشمه‌سينده اؤنملی رول اويناميشدير و فارسجا ادبياتی و فارس‌ديلليلر اونا مديوندورلار منجه. آمما نئچه قارنی قيور-زيويرلی و قولاغی توكلو انسان كی فيكيرلری ۲۰۰۶-نجی ايلده هله ده سكسن ايل بوندان اؤنجه‌ده سئير ائدير، پروفئسورون حق سؤزلرينه دؤزنمه‌ييبلر و اوتانمادان آغيزلاريندان هر نه چيخانی براهنی بَيدن اسيرگه‌مه‌ييبلر. رضا براهنی’نين ايران توركلرينين سكسن ايلليك ظلملره قارشی ميتينقلر و تظاهراتلارينين حاققيندا يازديغی مقاله ياييملاناندان بری، دئيه بيلرم اونلارجا ادبدن اوزاق يانيت و مقاله يازيليبدير. هله ائله بير مقاله گؤرمه‌ميشه‌م كی اوندا تؤره‌مه‌لی بير جاواب يازيلا. بوتون مقاله‌لر حيرصله و آشيری دويغو ايله يازيلميشدير. او مقاله جيز-بيز كيمی داش‌بينلری يانديريدی. منجه دوقتور براهنی هئچ واخت فارس ديلينين چؤره‌يينی يئمه‌ييبدبر. بلكه بو فارس ادبياتی و ديليدير كی دوقتوره مديوندور. دوقتور هئچ واخت دئمه‌ييب كی، فارس ديلی يئر اوزوندن قالديريلماليدير و … آشاغيداكی يازيلار فقط اؤرنك اوچون گتيريلميشلر و اينترنتده آختارسانيز داها چوخ جاواب ﴿؟!﴾ تاپابيلرسينيز.
پاسخی به رضا براهنی
از ستارخان تا براهنی
Tuesday, August 15, 2006
براهنی فارس شووینیزمین کابوسو
Thursday, August 3, 2006
افغانیستان تورکلری
قوزئی افغانيستاندا ميليونلارجا اؤزبك تورك ياشاماقدادير. اصلينده افغانيستان نفوسونون سگكيزدن بيرينی توركلر اوشدورور. بو توركلرين ايچينده توركمن، اؤزبك و اووشار توركلر ياشاييرلار. تاريخده گليب كی، ايكی-اوچ يوزايلليك اؤنجه ايران اووشارلاريندان نئچه مين اينسانی افغانيستان بؤلگه‌سينه كؤچورلموشلر. يازيقلار اولسون، بوگون بو اووشارلارين چوخو توركجه يئرينه فارس ديليجه دانيشيرلار. و يالنيز قوجا-قاريلار توركجه قونوشورلار. آنجاق افغانيستاندا يئنی دؤولت قورولاندان و توركلره آناديلينده يازيب، اوخوماق حاققينی وئرديكدن بری؟ سانكی توركلر ده اؤزلرينه دؤنموشلر! بير سيته تاپميشام كی افغانيستان توركلرينه اؤزگودور. بيز آؤزبك توركجه‌سينی اوخودوغوموزدا يازيلارين بعضی‌سينی آنلاميريق، آنجاق سؤز قاورامينی قولايجاسينا دوشونه بيليريك.
نه ايسه بو سيته‌نين بير موسيقی بؤلوموده وار. بو بؤلومده سيز اؤزبك و توركمن و تورك ماهنيلارينی دينله‌يه بيلرسينيز. اؤزبك توركجه‌سينی گؤرمك قصدينده‌سه‌نيز بو كيتابی اوخويون.
Sunday, July 30, 2006
لاتین الیفباسیندان عرب الیفباسینا کؤچورن یازیلیم
“آذربايجان توركجه‌سی‌نين ديل و ادبياتی ايله تانيش اولدوغوموزدا اوندا نئچه اليفباليليغی گؤردوك. لاتين و عرب اليفباسی، هاميميزا آيديندير، بو اليفبا فرقليليگی قوزئی و گونئی ده اولان كولتورل يازيلارين اينتيقالين آز اولماسينا سبب اولور. قوزئی‌ده‌كی‌لر عرب اليفباسی ايله اصلا تانيش دئييللر و گونئی‌ده‌كيلر آراسيندا دا عرب اليفباسی يايقين دير. عاليم‌لر و يازيچيلاريميزين چوخلوسو بو چتينليك لری قالديرماق اوچون چوخلو كيتابلار و يازيلار اليفبالار آراسيندا كؤچوروبلر. بو ايش زامان آپاران، چتين و ياواش بير پروسه دير. اونون چتينليگين آرادان قالديرماق اوچون و اليفبالار آراسيندا اولان فاصيله‌نی آزالتماق اوچون بير يازيليم (Software)، آذربايجان يازيليم قورومو طرفيندن حاضيرلاندی. بو يازيليم لاتين اليفباسيندان چوخ راحاتليقلا عرب اليفباسينا دوزگون شكيلده كؤچورور.”
من بو يازيليمی ﴿نرم‌افزار﴾ نصب ائتمك اوچون چوخ چاليشديم. اول سری نصب ائدنده دئدی دات‌نتی گرك نصب ائيله‌يه‌سن. او پروقراميندا بؤيوتو ﴿اندازه‌سي﴾ ۲۲ مگابايت ايدی! ياخشی! هله بونو اينترنت‌دن ائنديرديك ﴿داونلود ائله‌ديك﴾. البتده دؤرد ساعاتدان سونرا. بو سری دات نتی قوراشديراندا ﴿نصب ائله‌يه‌نده﴾ دئدی گرك Windows Installerی نصب ائده‌سن. بيز گئتديك بونو آختارماغا. آخی نه ده‌ييم سنه من مايكروسافت! بودا سيته‌دی دوزلتميسن؟ گئت بيرآز گوگل‌دان اؤيرن باخ!!
ايكی ساعات بو سيته بيزی اويناداندان سونرا تزه قاييديب منه دئيير سن گرك بير كد وئره‌سن اوندان سونرا بيز سنه بير فايل آدرسی گؤستره‌جه‌ييك. هله بونون خيريندن كئچديك. بو ال‌ديمه‌ميش بئينيمه توركيه‌لی قارداش دئميش بير “چؤزوم‌يولو” ﴿راه حل﴾ چاتدی. دئمك منيم ويندوزومون واريانت يا اؤز ديليميز ورسيونو آشاغی ايميش. ال آياقدا بير يئنی ويندوز نصب ائديب، سونرا جناب دات‌نتی قوراشديرديم. ايندی گلديم بو كؤچورن قارداشی بيلگی‌ساياريما قورام. به-به!﴿نه خوشوم گلير بو سؤزدن!﴾
اللرين آغريماسين! آللاه سنی قوروسون غفور بی. بو يازيليمی بورادان ائنديره‌بيلرسينيز. جناب دات‌نتی ده آ بورادان!
Thursday, July 27, 2006
چوخدان آرزيلاييرديم، ايبراهيم رفرف ايله هئچ اولماسا اينترنت طريقی ايله گؤروشم. سيزی بيلميرم، آمما من چوخ سئوينديم بو يازارين اينترنت شبكه‌سينده شخصی بلوقونو گؤرنده. گؤروش. بيز بو صحيفه‌ده ايبراهيم رفرف ايله گؤروشدوك! دوغرودان اومودوم وار كی، آذربايجان يازارلارينين اينترنته و اؤزلليكه بلوق يازماغا آياقلاری آچيلسين!
گؤروش
Tuesday, July 4, 2006
دده کاتیب
ايران تلويزيونون بيزيم اوستانيمزدا اولان شبكه‌سی هردن چوخ ماراقلی اولور.شنبه‌گئجه‌لری “مجله ادبی و هنری” آديندا بير پروقرام ياييلير.بو پروقرامدا آذربايجانين بعضی شاعيرلريندن دعوت ائديلير.اونلار بو برنامه‌ده اؤز شعرلريندن بعضی‌سينی اوخويارلار.نه‌ايسه كئچن شنبه ﴿۲ تير﴾ دده‌كاتيب آديندا اولان اورمولو آدليم شاعير دعوت ائديلميشدی.دده‌كاتيب بو پروقرامدا آناديلينی دورو و شيرين شكيلده دانيشيردی.او هردن ينی توركيه‌لی سؤزلری ده قوللانيردی.ائله‌بيل آدام آذربايجان كانللارينا باخير.چوخ لذت دويدوم.آمما دده‌كاتيب پروقرامين سونوندا همين شيرين ديلی ايله بير گؤزل آرزودا تانريدان ديله‌دی.بورادا يالنيز “چوخ شاشيرديم” سؤزو اويغون گلير.اونون آللاهدان ايسته‌ديی ديله‌يی اوخويون:
“من بوتون تورك اولوسونا و بوتون ايرانليلارا تانريدان ساغليق ديله‌ييرم”!!!
