سون زامانلار فرانك ميلئر، 300 آدلی بير فيلم دوزه‌لديب كی اوندا ايرانلی ﴿داها دوغروسو: پارس﴾ "خشی ارشه" ايله يونان پاديشاهی "لئونيداس" ۳۰۰ عسگرليك ساواشين گؤسترير ﴿+﴾. سونوجدا گرچی لئونيداس يئنيلير، آمما بو ۳۰۰ نفرليك و اوچ‌گونلوك ديره‌نيش يونانليلارين پارسلار قارشی‌سيندا بيرليكلرينه ندن اولور.
منجه بو حاقدا اوچ مطلب وار:
-دوغروسو من ايرانين ايسلامدان اؤنجه تاريخيندن يئترلی قدر بيلميرم. آمما پورپيرار'ا اينانيرام. و آزدان چوخدان اونون هاخامنيش'لرين ايرانلی اولماديقلارينا اساس اولان مدركلرين اوخوموشام. پورپيرار دئيير پارسلار ايرانلی دئييلديلر و بو اونلارين آدلاريندان بللی‌دير. جيويدلر كوروش'و سئوديكلری اوچون اونو تورات' بؤيودوبلر و ايرانلی اولاراق قاليب ائله‌ييبلر دونيايا. ايشده بوگونكو ايرانليلار و فارسلارلا بيله ايسلامدان اؤنجه‌كی پارسلار آراسيندا هئچ بير ايلگی يوخدور.
-پارسلار مطلقا باريشجيل بير قووم اولماييبلار، اولسالار دا پارسلارين نه باريشجيل و نه ساواشجيل اولدوقلاری اينديكی فارس قوومونا هئچ بير ايلگی‌سی يوخدور، ،او زامان بو فيلمه قارشی اعتيراض ائدنلر تعصصويدن ال چكيب، تاريخی گئرچكلری قبول ائتمه‌لديرلر!
- فارسلار آنلاییشلی اولسایدی بئله دئيه‌ردیم:منجه اعتيراض ائدنلر گرك اؤزلری و پارسلار آراسيندا هئچ بير ايلگی اولماديغينی دونيايا آنلادالار، دا "بو فيلم يالانچی‌دير، پارسلاين مملكتلری گول-بولبول مملكتميش، اونلار اويغار‌دوزه‌لدنميشلر" دئمه‌يه‌لر.
Monday, March 12, 2007
پارسلارلا ایرانلیلار آراسیندا هئچ بیرسوی ایلگیسی یوخدور
Sunday, March 11, 2007
تئز گئتدی
ياپيتلارينی اينجه‌له‌ييرديلر. داها دوغروسو ايكی نفرلی اوتورموشدولار دانيشيرديلار فيلملری حاقدا. سؤزلری اوره‌گيمه ياتيردی. ياديمدا، اوتوردوم پروقرامين سونونا قدر ايزله‌ديم. ايلك دفعه ائله اوندا تورك اولدوغونو اؤيره‌نديم، "ميم مثل مادر"دن دانيشيردی. جمشيد هاشم‌پور ائرمنی دانيشاجاقميش بو فيلمده، آمما ايلكده يوخ دئييب. و "حاجی بوندان كئچ"... .
و اؤزونون و هاشم‌پور'ون تورك اولدوقلارينی آنلاتدی. قيزارمادان، اوتانمادان. و من بير داها اؤيوندوم اؤزومه. اونونلا اؤزومون آراميزدا اورتاقيليقلاری دويدوم. بلكه سيز ده... او دا آناسينا برك ايلگی‌سی وارميش. اونو سئوه‌رميش. طبيعی ديلينی ده... آنا ديلينی... .
كيم بيلر؟ بلكه قالسايدی... .
بیر کتاب
ديل و ديلچيليك حاقدا قيسا بير يازی دا اولسا اوخوماغيندان كئچمه‌م. بير كلمه‌ده ديل حاقدا هر نه مطلب منی اَسريك ائده‌ر. هاردا قالا فارس ديلی و توركجه‌نين اونا ائتگيلری باره‌ده كتاب، او دا ايسماعيل هادی بَيلری كيمی ديلچی‌نين كتابی. كتاب آز قالير قورتولا و من تقريبن هاميسی بؤلوملرين اوخودوم. وئبلاقيمين ياريسی توصيه‌يه چيخيب، آنجاق حتمن ائنديريب اوخويون.
[حاشيه‌ای بر زبانشناسی]
Friday, March 9, 2007
نئچه سطر سامی یوسوف حاققیندا
ايندييه دك حتمن سامی يوسفين آدين ائشيتميشسينيزدير. سامی يوسوف'دان بير نئچه بيلمه‌ديگينيز نوكته‌نی يازاجاغام بو پوستدا.
Wiki نه دئيير؟
او ۱۹۸۰ دا ايراندا دونيايا گليب و سونرا آذری آسيللی عائيله‌سی‌يله بيرليكده بريتانيايا كؤچموشدور. باباسی اونلو بير موزيك آداميدير و سامی يوسوف'ون ايلك اؤيرتمنيدير. ۱۸ ياشيندا ايكن The royal academy of music in london'دان بورسلو موزيك اوخوما حاققی قازانميشدير. بير چوخ موزيك آلتينی بؤيوك باشار ايله اجرا ائتمكده‌دير.
بير ايلدير ده ميصير الازهر يونويورسيته‌سينده عربجه اؤيرنمك اوزره ميصيردا ياشاماغا باشلاميشدير. ماهنی‌لاريندا آللاه عشقی، محمد پيغمبر ﴿ص﴾ سئوداسی و اونون اؤرنك ياشامی، تئرور، ساواش و باش‌اؤرتوسو كيمی مفهوملار ايشله‌تمكده‌دير. ايلك آلبومو المعلم، چيخديغی جولای ۲۰۰۴ ايلينده بؤيوك باشاری قازانميشدير.[+]
سامی يوسوف'دان بيلمه‌دگينيز بير نئچه نوكته
-سامی يوسوف اؤزونو هپ تورك دگيل، آذری تانيتديرير. ﴿يازيقلار كی ميللی شعورو يوخدور ;﴾ ﴾
-سامی يوسوف'ون باباسينی تانييير می‌سينيز؟ بابك رادمنش، بير چوخ لوس‌آنجلئس'لی-ايرانلی اوخويوجونون موزيكلرينی دوزه‌لدن، اينقيلاب اوولرينده اونلو "خلبانلار" ماهنی‌سينين موزيك‌دوزه‌لدنی اونون باباسی‌دير.
-اونون ايكی دده‌سی ﴿بؤيوك‌باباسي﴾ ده باكی'ليدير.
-توركجه‌‌سی چوخ ياخشی اولماسادا، گونلوك احتياجلارينی يئرينه يئتيرمك اوچون يئترينجه اونو باجارير.
-بير امارات كانالينا ﴿Mazzika tv﴾ اينگليزجه وئرديگی رئپورتاژدا بوتون موسلمانلارين عربجه دانيشماسی گركديگينی، عربجه‌نين بوتون موسلمانلاری باغلايان، آوروپا كولتوروندن قورويان تك شئی اولدوغونو وورغولاميشدير!
شووينيستلر نه دئيير؟
شووينستلر سامی يوسوف'ون فارسجا اوخوماماسيندان جيزيلداماغا دوشوبلر. اونلار دئييرلر سامی ايرانليديرسا ندن هله بير فارسجا ماهنی‌سی يوخدور! بير يئرده اوخودوم: فرقی نمی‌كند سامی يوسف ايرانی ، عرب يا ترك باشد مهم... . دوغرودان چوخ تاسف يئری وار!
سوندا سامی يوسوف'ون "آيريليق" ماهنی‌سينا دينله‌مه‌گينيزی توصيه ائديرم. ﴿ائندير ۱۰.۳Mb﴾
[سامی يوسوف رسمی سيته‌سی]
[سامی يوسف كليپلرينی ايزله‌مه سيته‌سی ]
[سامی يوسوف ويكی توركچه‌ده]
Thursday, March 8, 2007
پولسوز ويدئو سيته‌لر آراسيندا ان اونلو اولان Wednesday, March 7, 2007
خيديرسؤيله‌نجه‌لريندن
قارانليق آجوندا (دونيادا) خيدير آدلي بير يالاواج (پئيغمبر) واردير. اورادا بير بولاق آخير، بو بولاغين سويو "بنگي ياشام و يا ديريليك سويو"دور (آب حيات). بو ديريليك سويونو ايچه‌ن كيمسه هئچ واخت اؤلمه‌ز. خيدير دا او ديريليك سويوندان ايچدييي اوچون هپ (هميشه) ديريدير. خيدير هر يالينيغين (آدامين) گؤزونه گؤرونمه‌ز. اونو گؤرمك اوچون گره‌ك ان ياخچي يالينيق (آدام) اولان، كيمسه‌ني اينجيتمه‌مه‌يه‌ن. خيدير`ي گؤره بيله‌ن هر كس، اوندان نه ايسته‌رسه، خيدير اونون ايسته‌ييني يئرينه يئتيره‌ر...
خيدير سؤيله‌نجه‌لريندن (افسانه‌لريندن)
ارمغان آزربایجان
ايل بويو آذربايجان خالقی بير چوخ اوزه ل گونلری عزيزلييب او گونلر اوچون بير پارا دبلر و عنعنه لر يارلدميش لار كی اونلارين بيريده " چيلله گئجه سی "دير. "چيلله " سوزو چهله يا همان قيشين ايلك قيرخ گونوندن آلنميش دير كی چوخ اسكی و تاريخی بير گئچميشه صاحيب دير.بو يازينی ارمغان آذربايجان آدلی قزئتدن گؤتوردوم. دقت ائدين كی بو يازينی آدليم يازارلاريميزين بيری يازيب. بوجور يازماقلا نه‌جور گنجلرين توركجه اوخوماغا رغبت گؤسترمه‌لرينی اوموروق؟!
آچيقلاييم كی، سؤزجوكلرين ياخين، آرالی و بيتيشيك يازيلماسينين گركديگينه باخماياراق، بو يازيدا ان آزی بئش يانليش گؤروروك.
